Asturgram p'Android

Telegram ye una aplicación de mensaxería que s'enfoca na velocidá y seguranza. Ye superrápida, cenciella y llibre.

Esta bifórcación non oficial básase en Telegram-FOSS qu'al empar tamién se basa na aplicación orixinal Telegram App for Android.

Cambeos:

Troquéu de binarios y/o códigu fonte sospechosos que nun cumplen colos principios FOSS:

Compártese l'allugamientu con OpenStreetMap(osmdroid) en cuentes de Google Maps
Úsase'l conxuntu de fustaxes de Twemoji y non el d'Apple
Google Play Services GCM trocóse pol serviciu push de Telegram
Hai qu'amosar un avisu permanente nes versiones superiores a Oreo, entrugái a Google
SEGURANZA: Les versiones vieyes de BoringSSL tróquense pol códigu más nuevu que se compila al empaquetar l'aplicación
SEGURANZA: Les versiones vieyes de FFmpeg tróquense pol códigu más nuevu que se compila al empaquetar l'aplicación
SEGURANZA: El libWebP integráu ta anováu

Desaniciu de binarios y/o códigu fonte sospechosos xunto coles sos funcionalidaes que nun cumplen colos principios FOSS:

Escanéu de códigos de barres (Passport) y deteición facial de Google Vision
Integración con Google Wallet y Android Pay
Integración con Google Voice
Informe de casques y anovamientos automáticos per HockeyApp
Receición de códigos de verificación per Google SMS. Has teclexar los códigos a mano.

Miscelánea:

Permítese afitar un proxy enantes d'aniciar sesión
Amestóse l'habilidá d'analizar allugamientos col esquema d'enllaz geo:<lla>,<llo>,<zoom>
Fórciase les previsualizaciones de mapes estáticos de Telegram

Manuales de l'API de Telegram (inglés): https://core.telegram.org/api

Manuales del protocolu MTproto (inglés): https://core.telegram.org/mtproto

NOTA: Nun se sofita la compilación en Windows. ¡Usa GNU/Linux n'asturianu!

Importante:

Percises el NDK d'Android, Go (Golang) y Ninja pa compilar l'aplicación.
Nun escaezas incluyir los somódulos cuando clones:
- git clone --recursive https://github.com/softastur/Asturgram.git
Compila les dependencies natives de FFmpeg y BoringSSL:
- Vete a la carpeta TMessagesProj/jni y executa lo de darréu (defini los caminos al NDK y Ninja):
```
export NDK=[CAMÍN_AL_NDK]
export NINJA_PATH=[CAMÍN_A_NINJA]
./build_ffmpeg_clang.sh
./patch_ffmpeg.sh
./patch_boringssl.sh
./build_boringssl.sh
```
Si ques espublizar una versión modificada d'esta aplicación o de la oficial:
- Deberíes consiguir la to clave API equí: https://core.telegram.org/api/obtaining_api_id y crear un ficheru nomáu API_KEYS nel direutoriu raigañu del códigu fonte. El conteníu debería vese asina:
```
APP_ID = 12345
APP_HASH = aaaaaaaabbbbbbccccccfffffff001122
```
- Nun uses el nome nin el llogotipu de Telegram (avión de papel blancu nun círculu azul) o Asturgram (berrón nun círculu azul) na to aplicación
- Curia bien de la privacidá y los datos de los tos usuarios
- Alcuérdate d'espublizar les modificaciones al códigu fonte pa cumplir coles llicencies, por favor

El proyeutu pue compilase con Android Studio o dende la llinia de comandos con gradle:

./gradlew assembleAfatRelease

El códigu d'esta rama estrémase muncho del que se venía emplegando. Si quies acceder al códigu anterior, tiéneslu equí: https://github.com/softastur/Asturgram/tree/C%C3%B3digu_anticu%C3%A1u