Në ditët e sotme, siguria e rrjetit është një aspekt kritik për mbrojtjen e të dhënave dhe integritetit të sistemit. Me rritjen e kërcënimeve kibernetike, monitorimi dhe analizimi i trafikut të rrjetit janë bërë komponentë thelbësorë për zbulimin dhe parandalimin e aktiviteteve të dyshimta. Projekti ynë, synon të ofrojë një mjet të thjeshtë dhe efektiv për të analizuar trafikun e rrjetit dhe për të identifikuar kërcënimet e mundshme. Ky mjet është i ndërtuar me gjuhën e programimit Python dhe përdor bibliotekat psutil, colorama, scapy, dhe socket për të kryer funksione të ndryshme si kapjen e paketave të rrjetit, analizimin e tyre dhe skanimin e porteve. Projekti është dizajnuar për të qenë i lehtë për t'u përdorur dhe mund të ndihmojë administratorët e rrjetit dhe profesionistët e sigurisë në identifikimin e aktiviteteve të dyshimta në rrjetet e tyre.
Aplikacioni ofron dy funksionalitete kryesore: analizë të trafikut të rrjetit dhe skanim të porteve.
- Zgjedhja e ndërfaqes së rrjetit për të kapur paketat.
- Vendosja e numrit të paketave që dëshirohen të kapen.
- Analizimi dhe regjistrimi i informacionit të paketave, përfshirë IP-të burimore dhe të destinacionit, protokollet, madhësitë e paketave, dhe llojet e paketave.
- Identifikimi dhe regjistrimi i aktiviteteve të dyshimta, si trafiku me frekuencë të lartë, lidhjet e shpeshta me të njëjtën adresë, paketat me madhësi të madhe, dhe trafiku në porte të pazakonta.
- Vendosja e adresës IP që do të skanohet.
- Vendosja e numrit të porteve për skanim.
- Skanimi i porteve dhe identifikimi i porteve të hapura në adresën IP të dhënë.
- Regjistrimi i rezultateve të skanimit në një dritare të dedikuar për shfaqjen e rezultateve.
- Tringa Baftiu
- Ilir Jasharaj
- Visar Gjema
- Sumeja Veseli